Naat Shareef
Hassan Nisar
Tere SAWW hote janam lia hota
koi mujh sa nah dusra hota
sans leta Tu SAWW aur mein ji uthta
kash Makkah ki mein fiza hota
hijraton mein parao hota mein
aur Tu SAWW kuch dair ko ruka hota
Tere SAWW hijre ke aas pas kahin
mein koi kacha rasta hota
beech Taaif bawaqat sang zani
Tere SAWW lab per saji dua hota
kisi ghazwa mein zakhmi ho ker mein
Tere SAWW qadmon mein ja gira hota
kash Uhad mein shareek ho sakta
aur baqi na phir bacha hota
Teri SAWW kamli ka soot kyun na huwa
Tere SAWW shanon peh jhoolta hota
chaub hota mein Teri SAWW chaukhat ki
ya Tere SAWW hath ka aasa hota
Teri SAWW pakeeza zindagi ka mein
koi gumnam waqia hota
lafz hota kisi mein aayat ka
jo Tere SAWW hont se adaa hota
mein koi jangju arab hota
aur Tere SAWW samne jhuka hota
mein bhi hota Tera SAWW ghulam koi
lakh kehta na mein riha hota
sochta hun tab janam lia hota
jane phir kia se kia huwa hota
No comments:
Post a Comment