ایک مسلمان دوسرے مسلمان کے لئے آئینہ ہے
حضرت ابو ہریرہ رضی اللہ عنہ سے روایت ہے کہ رسول
اللہ صلی اللہ علیہ وسلم نے ارشاد فرمایا:"ایک مومن دوسرے مومن کے لئے آئینہ
ہے، اور ایک مومن دوسرے مومن کا بھائی ہے، اس کے ضرر کو اس سے رفع کرتا ہے اور اس
کے پیچھے سے اس کی پاسبانی و نگرانی کرتا ہے۔" (رواہ ابو داؤد و الترمذی)
تشریح: مسلمان دوسرے مسلمان کا بھائی، ہمدرد اور
خیر خواہ ہوتا ہے۔ وہ نہیں چاہتا کہ اُس کے بھائی کی دوسروں کے سامنے رسوائی ہو۔
لہٰذ ا وہ آئینے کی مثل اُس کو اُس کی خامیوں سے آگاہ کرتا ہے۔ جو دیکھتا ہے وہی
کہتا ہے۔ اُس کی خامیاں دوسروں کو نہیں بتاتا، بلکہ اُسے اصلاح کی موقع فراہم کرتا
ہے۔
No comments:
Post a Comment