Woh apne payaron ko hubb e dunya se bachata he

اللہ تعالیٰ اپنے پیاروں کو حُبِّ دنیا سے بچاتا ہے

حضرت قتادہ بن نعمان رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا:"جب اللہ تعالیٰ کسی بندہ سے محبت کرتا ہے تو دنیا سے اُس کو اس طرح پرہیز کرتا ہے جس طرح تم میں سے کوئی اپنے مریض کو پانی سے پرہیز کراتا ہے، (جبکہ اُس کو پانی سے
نقصان پہنچتا ہو) ۔" (رواہ الترمذی)

تشریح: دنیا مذموم دراصل وہی ہے جو اللہ سے غافل کرے، اورجس میں مشغول ہونے آخرت کا راستہ کھوٹا ہو۔ پس اللہ تعالیٰ جن بندوں سے محبت کرتا ہے، اور اپنے خاص انعامات سے اُن کو نوازنا کہھتا ہے، اُن کو اس مردار دنیا سے اس طرح بچاتا ہے جس طرح کہ ہم لوگ اپنے مریضوں کو پانی سے پرہیز کراتے ہیں۔