Afzal tareen aur aqalmand momin

افضل ترین اور عقل مند مؤمن

حضرت عبد اللہ بن عمر رضی اللہ عنہما فرماتے ہیں کہ ایک آدمی نے نبی اکرم صلی اللہ علیہ وسلم سے عرض کی کہ کون سا مؤمن سب سے افضل ہے اور کون سا مؤمن سب سے زیادہ عقل مند ہے۔ اس پر رسول اللہ صلی اللہ علیہ وسلم نے فرمایا:"مؤمنوں میں سے افضل ترین مؤمن وہ ہے جو سب سے زیادہ اچھے اخلاق والا ہو اور سب سے عقلمند وہ ہے جو موت کو سب سے زیادہ یاد رکھنے والا ہو اور سب سے زیادہ موت کی تیاری کرنے والا، سب سے زیادہ عقل والا ہے۔"   (رواہ البیھقی فی الزھد الکبیر)

انسان کا کردار ہی اس کے خیالات کی شہادت ہوتی ہے ۔ اس لئے اگر ایمان ہے تو اس کا ظہور اخلاق ہی میں تو ہو گا۔ یہ کیسے ہو سکتا ہے کہ بندہ مؤمن بھی ہو اور اس کا کردار اچھا نہ ہو!