عشرہ ذی الحجہ کی فضیلت
حضرت ابن عباس رضی اللہ عنہ سے روایت ہے کہ رسول
اللہ صلی اللہ علیہ وسلم نے فرمایا:"اللہ تعالیٰ کو عمل صالح جتنا ان دس دنوں
میں محبوب ہے، اتنا کسی دوسرے دن میں نہیں۔" (رواہ الترمذی)
تشریح: جس طرح اللہ تعالیٰ نے ہفتہ کے سات دنوں
میں جمعہ کو، اور سال کے بارہ مہینوں میں سے رمضان المبارک کو، اور پھر رمضان
المبارک کے تین عشروں میں سے عشرہ اخیر کو خاص فضیلت بخشی ہے، اسی طرح ذی الحجہ کے
پہلے عشرہ کو بھی فضل و رحمت کا خاص عشرہ قرار دیا ہے، اور اسی لئے حج بھی انہی
ایام میں رکھا گیا ہے۔ بہرحال یہ رحمت خدا وندی کا خاص عشرہ ہے۔ ان دنوں میں بندے
کا ہر نیک عمل اللہ تعالیٰ کو بہت محبوب ہے، اور اس کی بڑی قیمت ہے۔
No comments:
Post a Comment